|
ام جابررررر
عجوزن مصريه
عيونها وسيعة وماده الكحل لين وصل اذانها
ذكرت يوم شفتها العجوز اللي بافلام كرتون تطير بعصا مكنسه
المهم وقفتني وقالت تعالا يابني اقرا لك حظك وايامك وكفك
قلت يا حجه كذب المنجمون ولو صدقوا
قالت ايوا منا عارفاااا
بس سدءني هتشوف
قلت خل اشوف وش عندها
كم ياحجه قالت عشرين جنيه قلت خذي
بيني وبينكم خفت تسحرني
ان تخليني لمبة تحذير على برج القاهرة
والا تخليني ضفدع منسدح على ورقه بالنيل
المهم تمسك كفي وتحط عليها قطعة قماش وتقعد تخربط قلت لا تكون
بتقرا الفاتحه الله يستر
شوي وقالت لي : بتصير لك ايه نوره ؟؟
قلت عمتي وخالتي وجدتي وام جدة خالتي ووو كلهم نوره
قالت طيب شوف
انتا هتشتري سياره وراح يكون فيه فرح في بيتكوووووووو
قلت بصراحه اللي قلتيه كله ممكن يصير باي وقت ووارد
قالت انتا مسحور
قلت خير ان شاء الله
قالت قاك العلم
قلت ومن تعيس الحظ اللي ساحرني
قالت تلات نسوان
قلت لاحول ولا قوة الا بالله
وش السوات
قالت هنحاول نفك السحر وعقدت القماش 3 عقدات وتحطه بكفي وتقول
ردد وراي
وتقول وانا اقول
والهي تفك السحر وتخليني اعيش بسلام
الهي ترد كيدهم في نحورهم
الهي .. الهي ..
قالت فك ايدك
قلت مش هفكها ( مسكت غلط اسوي عربجي )
قالت تفكها وانتاااا ماتشوفش الدرب
قلت ان شاء الله
فكيتها
ويوم فلتهاااا وكل العقد الثلاث مفكوكه
ياربي طارت عيوني وارتعت
قالت الحمدووووولله
فكوها
قلت منهم؟
قالت نعمه من ربنا فكوها
اديهم تمن الفكه
قلت انا شايفك تخربطين بسنونك اكيد فكيتهم انتي
قالت ايييه انتا بتكذبني
قلت لا لا
حاشاك
خفت تسحرني من جد وتستقعد لي وترسل لي جماعتها
قالت هتديهم كام اكرمهم
قلت عشرين جنيه
قالت ايييييه يفكوا سحرك وتديهم عشرين قنيه مش حئهم
قلت خمسين والوجه من الوجه ابيز
قالت هات
وعطتني حبة كنها حصاة قالت وانتا رايح ارميها بالشجرررررر ومحدش
يشوفك
قلت ابشري اهم شي تكوني راضيه مابخاطرك شي
قالت ربنا يوفئك
واحط رجلي وهي العططططه
|
