ما فيه شي يمنع الواحد حتى ولو كان قروي انه يروح لبلاد برا لكن تكون مره وحده لأمستردام هذي قويه بصراحه وهذا خوينا القروي فجر ابوها وراح للبطحاء وشك له كرفته جامعه كل الوان الطيف يقول عشان يرضي جميع الأذواق ومن شاف كرفتته يقول هذا ماخذها من سروال كامبوس حارس المكسيك وطبعا الكوت والبنطلون يتلاصفن من النوع الحريري والنوع الحريري هذا يصير ولد خالة عمر الحريري من الرضاع يعني ما يتغطون عن بعض وراح خوينا ومن زين حظه ماشاء الله عليه لقى الممثلين حقين همام في امستردام بالصدفه قاعدين يسوون بروفات للمسلسل وقال خن اقعد اناظرهم واتعرف على خبايا المسلسل وماغير يجيه هاك المخرج ويقوله ( احنا عاوزينك تمسل معانا ) ازا ماعندكش مانع ) لأنه ناقصهم ممثل توفي وكان من زين الحظ بعد يشبه خوينا مرررره وقالوا هذا اللي يصلح انه يكمل عنه المسلسل انهبل وما صدق انه راح يشتهر ووافق وعطوه النص وخنبق شوي فيه الين عرف دوره ويوم جلس كم يوم وهو يحفظ ويستعد جاه المخرج وقاله احنا عوزينك تتلكم مصري مزبوط مش عايزين كلام الأراوه دا سيبك منووه وقام يصبصب عرق خوينا ما قدر يضبط اللهجه اذا جمع كلمتين فسدها بالثالثه بكلمه من الرعيل الأول حق القراين وماش شكل الدور طار عليه قام المخرج الذهين وقال خلالالاص احنا هنعمل لك مشهد حادث تخشب كدا في ماصوره وتروح على طول في غيبوبه ينئطع لسانك وتفقد الذاكره وكذا هنستريح منك ومن أراوتك اللي معصلقه معاك .
وطبعا على قولتهم المخرج عاوز كدا خلصوا المشهد وعرضوه في السينما طبعا هذا الجزء الثاني ما بعد وصلكم ؟؟ وخوينا القرايني ماعاد يكلم احد من زود الغرور من قده واذا كلمته او شي يشر على اثمه يعني انا ما اتكلم لساني منقص في حادث يلعن ام الإخلاص الى ساعتكم وهو ضابط دوره ما طاع يفلته ويغيره الله لا يبارك في المخرج ولا في فكرته اللي فسد بها رفيقنا؟؟؟؟ منهم لله منهم لله .