ا

الخبر يقول :  (( عرض موقع تجاري قطعة ممضوغة من علكة رمتها النجمة بريتني سبيرز في أحد ممرات فندق لندن  للبيع في المزاد العلني!  وتظهر على العلكة آثار أسنان النجمة ))

يعني ما امدانا نصحى  من صدمة منديل ام كلثوم الا وتطب علينا سالفة هالعلك اللي راح طعمه ولونه والله ان  الدنيا ارزاق وما اقول الا الله يذكر ايام العلك السحري بالخير  يعني علك بربع ريال بيجيب فوق المليون دولار ويصير عليه مزاد وحركات  وين اجل منول قاعد ابيع ببسطة طرزان حقت العلوك وزين ان حصلت راس مالي  وان سحب المشتري وما طاح في رقم واحد  قال خل علوكك في بسطتك  وانا مهاوش انا وياه الا تاخذ علوكك غصب  تبي من شاف بسطتي قال  مانقصت وما شرا منه احد

 بس تبون الصدق البنت مزيونه وخشيشتها مقبوله لو نطلت هالعلك محد عايفن ياكله عقبها ويقبلها  وش حيثها من النوع اللي تفرش سنونها كل يوم     على الاقل بتصير احسن من بعض الناس لا جا ياكل العلك تقل بعير يجتر

ابد تحلف انه ياكل لحمه مهوب علك ولو بيعرم خبزه تميس ان تغدي كلها شقوق

وتسمع امطخ امطخ امطخ تحلف انه ياكل لحمه مهوب علك والا خشته كنها ذا

والله ياهو يسمع بتشيزززززززززززززز 

طبعا هم  ما خذو العلك من فراغ وصدقوا اللي جايبه اكيد تحليلات وحمض نووي وحوسه والا كان كل شوي داخلن عليهم واحد وقايلن هذا فخذ دجاجه توه معرشه  سلفستر  والا هذي شباصة نيكول بردويل  والا هذا مشط بنت لوبيز من كثر ما تمشط  شعرها به متسددة فتحاته

والا باقي كليجا عقب عرمتي المصون

<<< حشا تقولون عارمها فار مهوب آدمي

وخذ ياحراج وسوم  والله ان يغدي مقرهم هناك  كنه تشليح  والا محل خرده واثاث مستعمل  وما اقول الا يا ياحظ هاللي طاح في بريتني وهي تلفظ علكتها ولحق عليه قبل تاطاه سياره وتواسيه مع الارض  عز الله انه  استغل دلاختهم وصار  مدرهم الحين  وصار من اللي يحطون  رجل على   رجل  في  غرفة الاسهم  هنياله وبس اللهم لا حسد

والله ينا غرت منه

لكن مدام سوق العلوك ماشي فانا ذكرت اني محتفظ بصعرور عقب جدي الله يرحمه

تهقون لو ابيعه في مزادهم بيجب سعر

وغير تسذا عندي صروال السنه حقه

هاه احد له نظر

ترا اللي بيقعد يتمقل فيه ولاهوب شاري ماله الا تسذا