|
ما تصوقنآآآآآآش
الجوع يسوّي اكثر هع
احيانا تجي الواحد حالات دلاخه يحس فيها انه دلخ مع مرتبة الشرف
مفهي من الطراز الاول وصاحب اقوى لحسه مخ في الكرة الارضيه
عقب لحسة المخ اللي جتني قلت الجوووووع يسوي
اكثررررررررررر
قبل فترة مسكت معي اني اتعشى في مطعم وحطيت في بالي ( تشكن بلس ) حركت
السيارة
ودقيت بالجوال على رقم المطعم وصار هالحوار :
ابوهارون : اهلين سديق كيف هال
العامل 
: الهمدلله كويس السلام اليكم <<< لازم يقولها
ابوهارون : سديق شوف يبغى واحد جامبو وواحد هلقات بسل
العامل
: ايوا ايش تاني ؟
ابوهارون : لا كلاص الهين عشرا دقيقاااا بئدين يجي
العامل
: ايش اسم
ابوهارون : اسم العمار
العامل : اوكي
ثانكيو أمّآآآر
اخذت لي شوي بعدين رحت للمطعم ودار هالحوارالثاني
ابوهارون : اهلين سديق انا يتصل قبل خمسا دقيقا اسم
الأمّار يبغى جامبو
العامل : مافيه
هادا جامبو مافي سوّي
ابوهارون : شلون مافي سوي ؟ وليش انا اتصال
العامل : مافي نفر اتصال
مافيه نفر يبغى جامبو انتا يبغى سوي جديد الهين
ابوهارون : احووووول هالبلشه الشرهه على اللي حطك شوف
سوي همبرقر كلاص مايبغى جامبو
سوي كنسل
العامل : اوكي مهلّي (
محلي )
ابوهارون : ايه المهلي مايولي
رحت وجلست على الطاوله انتظر الوجبه من جد طاقني الجوع
شوي ويجيني الطلب واقعد افرم
لما خلصت رحت وحاسبته وطلعت رجعت للبيت فرشت سنوني << يفرش بمكنسه يد
وشغلت الجهاز
شوي ويدق جوالي والاه اسم المطعم اللي انا طالب منه
قلت يحووووي وش يبي ذا
العامل ؟ الوووو
هادا انتا طلب جامبو كلاص
ابوهارون : وش كلاصه انا يجي بعدين انتا يجحد كلام
مافيه
العامل : لا الهين موجود
كلاص جاهز
ابوهارون : انا يجي وكلام وين جامبو انتا كلام مافي
نفر بعدين شيل همبرقر واكل سوا سوا مهل
ليش انتا كلام مافي نفر اتصال
وعقب اخذ ورد
العامل
: اوكي مع السلامااااااا
يوم قفلت الاتصال وارجع ثانيه للمحل اللي دق علي واستغرب وش جاب كودو ؟؟؟؟
واشوف الدلاخه بعينها يوم ناظرت المكالمات الصادرة
صار الرقم اللي انا داق عليه ( كودو )
يعني دقيت على كودو ورحت تشكن بلس
صلحووا لي هناك وانا رحت الحس مخهم في تشكن بلس
ياربي وش السواة عشان ارضي ضميري <<< مسكين ابو قلب حنيّن
قررت اروح اليوم لهم [واتعذر منهم واذا ماصرّفوا طلبي عطيتهم قيمته وريحت بالي
عجزت اهتني حتى بنومي اذا نمت حلمت في راعي كودو يلاحقني معه ملاس
سدددديق تئآآآآآآآآآآآآآل
سدددددددديق
سدددديق
سددديق
سديق
سد
س
واحد جامبو ضبان وصلحوووو
<<< شويه لاعت التسبد
خخخخ بششش خخخ بشش
طبعا عقب هالسالفه صرت اقلبها صن وعلى طول لا طقني الجوع سيده لأقرب مطعم بخاري
واطلب حبه مع الرز لا وش حبه مع الرز يكفيني فخيذن صغنون <<< صدقناك
<<< قطو مطاعم 
وعلى طاري المطعم البخاري ماضحكني فيه الا مره كنت داخل مطعم من المطاعم اللي فيها
دكه وجلسه عربيه
اخذت لي مكان وطلبت واناظر في آخر المطعم واشوف فيه 3 نفر متسدحين
شكلهم مضحك كنهم في استراحه اللي رافع رجليه على المركا واللي منسدح كنه في شاطئ
اسكندرية عقبها تاكدت انهم مكثرين من الرز لدرجه انهم ماعاد فيهم حيل يقومون يغسلون
احيانا الواحد مايقدر يقاوم اللي قدامه وعلى طول يروح مسوي كذا
زي هاك الدب اللي قارده الله وركب معي ذات
عصريه طبعا
خلوني اكون واضح معكم وزنه فوق الميه يعني خمسه برا خخخخخ المهم جا طاري الاكل
وقال انه مسوي ريجيم
قلت مايخالف احسن لك يرجال عساه يسر فيك انت لو يشفطون منك بمكنسة كهرب مافاد عاد
خبركم عقب العصر محلات الشاورما دايما تكون على اهبه الاستعداد اصغر وحده فيهن ما
تتلاقا يديك عليها لا حضنتها
واقعد ادور به عند المحل رايح جاي تسعين مره
لين ماصرخ بوجهي وسعابيله تقاطرررررررررر : وووووووقف يرحم والديك باخذ شاورمه
ماقدرت اقاوم
قلت والريجيم
قال بكره ابدا
قلت اجل بكره امرك
قال ولا اشوفك مار عند البيت
عاد فالمقابل الاحظ ان فيه ناس معصقلين ويدبغون دبغ يروع
اعرف واحد مايقبل باقل من 3 سندوتشات واحيانا لا طقه الجوع يتفاهم مع خمسه شاورمه
ما شاء الله بس
هذا اشك ان في بطنه دودة شريطية وجايه من النسيم بعد ( واجد الشريطيه هناك ) خخخ
والقاه لا جا غدا او عشى يكون اول من يجلس وآخر من يقوم كنه جرادة ياكل واجد ولا
يفيد
فيه فكرت اشكيه لمريم نور هي وصرار الكراث وحزم الجرجير اللي عندها كود تلقى له حل
لكن شفتها هاك اليوم نافشه شوشتها وغسلت يدي من ذا العجوز المعرعرة اللي
اتوقع لو اقبس بعود كبريت على شوشتها كان احترق الاستديو بس ان
كنت باسألها صز فانا ودي اعرف اذا
تعرف تصلح قرصان ومراصيع والا لا
مريم نور : حل عني يبو هروني ما
تصوقناآآآآآآآآآآآآآآآش 
وقبل اختم هذري
ذكرت سالفه اثنين داخلين بوفيه حاصله قدام عيوني واذاني
قال الاول لخويه وش تبي
قال خويه عادي اطلب لي مثلك
قام الاول وقال لراعي البوفيه :
سددددددديق : جيب واحد جبن وواحد بيض وواحد جبن وواحد بيض
ودمتم شبعانين 
|