الحموضه اللي اقصدها مهيب حموضه ليمون او حموضة اسيد <== شاربه يومه صغير

اللي اقصده هوالحموضه اللي تجي في المعده ولا يفكها لا ليمون اسود ولا بيره ولا لحاس جريش

وصارت هالحموضه تجي من الاشياء اللي نواجهها في الحياة لأنه بالماضي كانت اسبابها من الاكل يصير فيه تعارض في المأكولات والمشروبات بعدين يجي في المعده برواز مكتوب عليه قام هذا الآدمي بعمليه غير شرعيه ويطلع فيها ملف مكتوب عليه homothah> dll

والحين انقرضت المشكله عقب ما طلع علينا بلاوي في هالزمن خلت الواحد ما يمشي الا وهو يبعبع ( بعو وعوعوع بوووع )

ووين ما تروح تبي تلقى مسببات للحموضه اشكال وانواع فمثلا لو دخلت محل استريو وشفت اصوات ؟؟ <== عدلها بس لا يضحكون عليك .. قصدي سمعت اصوات الفنانين الجدد بتلقاهم احد اهم المسببات العصريه للمواد الحمضيه  واذا تمعنت في صورة الفنان فانت تبي ( تثع ابوها ) على طاولة المحل او في شز احد الزباين <== بعذره شايف صورة البوم جواد

واذا طلعت من المحل ناوي الفكه ورحت لمطعم تبي تاكل شي يدهن مصيرك وجلست على الطاوله تحتري طلبك فانت تبي تشوف بعضهم جالس ياكل بشوكه وملعقه ويالله ياكل القطعه كنه يتذوقها من زود الميوعه الغذائيه ؟ هذا غير عصيره اللي بيخلي فيه باقيه وتقريبا اقل من النص بشوي لدرجة ان بعضهم يجيب معه متر صغير ويقيس العصير المتبقي  آبووووووووك يالموضه والحضارة <== تراه رايحن يجغم باقي العصير عقب ما راح راعيه

واذا طلعت من المطعم ورحت تتمشى بسيارتك العراويه فانت تبي تجيك الحموضه من اللي يوافونك بسياراتهم الفارهه <== اموت يالفارهه وتلقى هذا يشطفك بحقران ومعه فياجرا والا حبة بندول <== راح تفكيره بعيد

وكأنه يقول ياأرض انهدي وش جابك عندي ترا منت قدي واللي يقهرك انك تلقاه فطيفيط ولابس الكاب الفوشي ودابلن حفاظته ارفع له عشان يشوف الطريق 

طبعا مالك الا انك تطرش ولو شي بسيط من الحموضه اللي تملكت معدتك المغلوبه على حموضتها وما يمنع انك تثعها في الطريق هذا اذا لحقت عمرك وما ثعيتها على االاشرطه <=== كلهن بشير وفطومه  

واذا منك مشيت يم السوق تبي تصلح ساعتك اللي منقطع سيرها <== لفقها في الساعه ضعيفه .. فانت تبي تشوف اللي مرتزين بالجنوز واللبس الغربي وقاعدين يمولون للرايح والجاي ( انتي روعة بجمالك انتي فتنة بدلالك ) جعلك للدله اللي تفقش راسك بدنقورها الحاد ..  لا ومن زين خشته تلقاه معه جوال لعبوبه كاشخ به ولو يرص احد يده اللي فيها الجوال طلع من جواله مويه  <== يخوي قل يرص جواله وارتح

عاد انت ما تملك الا انك تثع ابو هالحموضه في محل الساعات ويمكن تتهاوش مع راعي المحل بسبب هالعاده ويتهمك انك سبب رئيسي في امراض الحموضه لأنك سببت للحاضرين المايعين حموضه مستديمه بتطريشك لحموضتهم الحامضه <== بالله وش فرقها عن خشبة الحبس حبست خمس خشبات وخشبه J