|
تزداد حلاوة القفشات عندما تكون واقعية وبدون تصنع وهذي بعض القفشات الواقعية اللي حبيت اني أسردها لكم سرد يتسرد في مساريد السرود ------------ واحد توه بزر يدرس في الابتدائي كتب له المدرس في دفتره : ثابر والى الأمام ، الولد راح لأبوه وهو يبتسي ويقول له شفت المدرس وشو كاتب لي قال له ابوه وشو كاتب ؟ قال كتب لي ( انثبر والى الأمام ) ويوم ناظر ابوه الدفتر ضحك عليه وعلمه بالدعوى كلها واحد ايضا بزقه شرب له بيالة شاهي وفيها نمله ويوم درا عنها قعد يصيّح وجت امه وش فيك وش فيك ؟؟ قال شربت بياله فيها نمله ؟ قالت امه طيب وش فيها ؟ ماضارك شي ؟ قال الولد اخاف فيها حمى وادي متصدع ؟؟ ناس جالسين في البر وشابين ضو وكان الجو بآآآآآآآآآرد وهبت عليهم هواء بارده وقال واحد منهم يالله براد الجنه ؟ ورد عليه واحد صاك اللطمه وقال بسرعه لا والله ؟؟؟ قاله ويييييييين ياعمي احد ما يبي براد الجنه عاد ذاك فشل وقال يرجال مضيع مع هالبرد لا تشررره واحد جالس يتكلم على ربعة عن موقع وان فيه كذا وفيه كذا ويمدحه وتشوقوا ربعه للموقع وسألوه وش اسم الموقع ؟ قال لهم : والله اني ناسيه وقالوا له يرجال تذكر اي شي بس قال لهم بصراحه ما اذكر فيه الا ( كوم ) بس ؟؟
واحد راح للحلاق و حاط في راسه ان اغلب الهنود اساميهم بين محمد أو كومار ؟ عاد جلس على الكرسي وحب يستخف دمه وقال كيف الهال يا كومار قالها بصوت خفيف وكان المسجل حق الهندي يدهر وغطى على صوت خوينا المهم الهندي حسبه يقول كيف الحال يا حمار ما صدق خبر خنقه بالفوطه وطلع الموس يبي يفتح تقاطعات في وجهه لولا تدخل رجل الأعمال واحد قال له أبوه ابيك تصير وانا ابوك رجال محترم ولك هيبتك قال الولد بكل براءه : لا والله قال له ابوه مستغرب ليش يالهيس ؟ قال الولد : لني أبي اصير مثلك بنت صغينونة شافت امها تحط مكياج وسالتها ليش تحطين كل هالحاجات ؟ قالت لها امها : علشان أصير حلوه ، وردت البنت الصغيرة عليها وقالت : حسافه اجل ما نفع واحد جالس في عند ناس في عزيمه رسمية وهو اللي قايم بالشغل وتصليح الشاهي وطلب منه واحد ورقة عشان يكتب فيها حاجه مهمه اخونا حط يده في مخباته وطلع له ( بيز ) وانهبل الرجال وجع وشذا ؟ عاد خوينا تفشل مررره وقام وقال عن اذنك الشاهي شكله فاح اثنين جالسين في البر معهم زمزميّة الشاهي ومتكين شافوا لهم ناس حولهم مغرزين قالوا نبي نروح نفزع لهم ونطلعهم وما امداهم يمشون كم متر الا وهم مغرزين ؟ عاد ذوليك طلعوا وشافوهم وجو يمهم وطلعوهم ؟؟ المجموعة الثانية
|
