|
ثلاثة خرمانين بلوت يبون واحد يكملهم باللي هو به ، وشافوا في المجلس واحد يستحي وقالوا له وتعذر انه ما يعرف لكنهم غصبوه يحسبونه ماوده ويصرفهم وزعوا الورق وقال اللي يوزع... أول ؟ وقالوا بس وقال : الثاني ؟ وكلهم نفس الشي ما شروا وكبو الورقه ويوم ناظرو ورق الرابع والاه معه اربع اكك ؟ قام خويه من الصوقه والحسوفه ورجفه وطرده من المجلس واحد يسولف على ربعة في مجلس ويجيب قصص وحكم وهو يسولف حب انه يجيب مثل يوافق السالفه اللي هو يطريها وقال : صار مثل المثل اللي يقول يولم الماعون قبل الفلقه ؟؟ ويوم التفت لربعه والاهم متسدحين من الضحك ماكل مجهد بمصيب .. هالمثل ينطبق على واحد قال له ابوه انه ماعنده لقاح للنخل حق بيتهم وانه محتاجه ولا لقى شي عاد الولد خمته الفزعه والنخوه وراح يم الشارع العام وشاف هاك النخل الفالق وقام يقطع منهن وجا يم ابوه ونطلهن عليه ، ابوه يوم شافهن في الكيس قام يدعي له ويطلب له ويوم فتح الكيس قال : وشو ذا فوجع هذولا عذوق ملقحه ؟ وقام ابوه يبي يحش راسه بالمحش اللي معه لكن الولد ماتشوف الا غباره واحد كل ماشغل الماسينجر لقى الأيقونه حقت المتصل مكتوب قدامها ( بلا ) يعني مافيه احد اون لاين وهذا خوينا قفلت معه منه وقال لزميله العن امه هذا شابك اربع وعشرين ساعة ما يمل السوني او البلاي ستيشن ماخذ عقول الصغار والكبار ( يلعن ام المقدمه ) المهم هذولي اخوين يلعبون بلعبة من الألعاب وعندهم اختهم الصغيره تحتريهم وودها تلعب عاد البنت قفلت معها وملت وقالت لأخوها الكبير بكل براءه : ابغاك بكره تجيب لي ( يد ) ثالثه عشان اقدر العب معهم واحد جالس يناظر التلفزيون في احد ايام رمضان وفجأه جت مسابقة رمضان للكبار وانتم خابرين دقت المقدمه لها نكهه خاصه عندنا... عاد خوينا يوم سمعها قال : يآآآآآآآآآآآه ذكرت رمضان ؟؟؟؟ واحد دخل المسجد وكان الإمام يقرا الفاتحة ويوم قال الإمام ( ولا الضالين ) قال خوينا بسرعة ( جعلك تموت يالامام ) وردو المصلين ورآه ( آآآآآمييييييين ) !!؟؟ يوم اقبل الصيف قام ابو الشباب وشغل المكيف والاه حار؟ واحتراه يبرد وماش وقفلت معه وراح وجاب هندي وفكوه من الجدار ووداه للمصلح عشان يزينه يحسب انه فاضي فريونه ويوم جا ياخذه من المصلح قال هاه بشر صاق عليه راعي المحل وقال انتا مفي مخ هاد كويس وفريون كويس بس انتا حط على حار مفي حط على بارد هذا واحد توه شاري مكرفون وقعد يجربه مع خويه بالماسينجر الصوتي المهم خويه جاه شغل وطنشه وسكر المحادثه الصوتيه وخويه قعد حوالي ربع ساعه يكلم روحه يحسب حوله احد واحد شاري بطاقة تلفون من الرياض وراح لديرته وقعد يهبل بخويه من كابينه في الشارع المهم خويه عرفه وجاب خبره جا المتصل يمه منهبل ويساله : وجع وشلون عرفت انه انا اكلمك من الديره معي اني شاري البطاقه من الرياض ؟؟ واحد ردي شوفه بالحيل وقفه مصري يبيه يوديه للحلاق المهم راح هو وياه <== هو وياه يصير اخو جورج وياه قام السواق ووقف عند محل من المحلات وقال للمصري انزل احجز لك مكان عند الحلاق ويوم ناظر المصري لوحة المحل صرخ في وجه السواق : ايه دا انتا عاوزني احلق في مكتب عقار ؟؟ واحد شابك الماسينجر وحاط مشغول وناشب له واحد كل شوي يساله ويكلمه قال له معليش يخوي تراني مشغول رد عليه خويه وقال بكل براءه : طيب مدامك مشغول ليش تدخل الانترنت ؟؟ اثنين قاعدين يتكلمون في برنامج البلوت وطريقته وانه حلو وما الى زالك المعنى تكلم واحد من الجالسين ما يعرف شي بالكمبيوتر : طيب وين يجلسون فيه الثلاثه الباقين ؟ وعلى طاري البلوت ثلاثه مجتمعين في مجلس ويبون رابع يكملهم جا يمهم الرابع وقال لهم : شوفوا انا بلعب معكم بس والله العظيم اذا لعبتوا بسرعه اني لأقلبها بنت السبيت
|
حقوق الرقعه محفوظه لأبوهارون