مع موجات هالغبار اللي تداهمنا بين الحين والاخر  تذكرت  وباء  سارس  اللي اجتاح الصين هاك الوقت وكنا وقتها من كثر ما نشوفهم  متلثمين توقعنا  انهم   راح يستوردون اكبر قدر من الشمغ ويبي يقوم  عز البصمات عندهم  تخيلوا عاد  صيني طاقن اللطمه ما تشوفون اللي عييناته الصيغنونات  انا يا محاتسيكم جربت البس الكمامه البيضاء  بعد موجات الغبار اللي طبّت  طلعت كني طالعن من غرفة العمليات وما صدقت على الله اخلص شغلي الضروري        ( مسكت مع اهلي الا يتعشون فول وتميس هاك الليلة) الا وانا طابن رويسيه في وسط البانيو وخذ يافرك << يفرك جسمه بسعفه   لين صفا الجو وزان بعد  ما ملطخ الحوش وخلا بيوتنا كنها مهجوره من عشر سنين وتسددت الاذان والخشوم وغدا الواحد كنه طايحين  له في حفره  والمضحك المبكي ان اللي قعدوا  يغسلون الحوش  ويشطفون بلاطهم ويمحكون سياراتهم  ( ما لقاها الا حقين  مغاسل  السيارات )  جتهم من بكره عاصفه ترابيه فيها من حبيبات التراب اللي تبني بيت كامل  وعلى هالحال لين  رضينا بالامر الواقع وتركنا الحال على ماهو لين نحس بالوضع الآمن اللي ياكوده في هالاجواء  المتقلبة  اربعة اجواء في يوم واحد ( حبي لك يانجد حتى بغبارك )  طبعا طلعت استكشف الحال  لقيت البلاوي المنيله وآثار الدمار الغباريه اللي تسببت في سقوط نخلة عند بيتنا وانهيار عشة حمام الجيران وفي النشرة انباء اخرى متفرقه  سجلوا بعضها  ازا بتريدو :-

عامل الشاورمه قاعدن يصيح  يحلف بالله انه حاطن اكثر من خمسين دجاجه وطب عليها مرض غبارس المفاجئ وحاس ام الصيخ اللي يشوفه يحلف انه لحم مهوب دجاج  برضه اللي كاشتين في البر وماعندهم من الشيطان طاري  طلعتهم  تنكدت واحتاست وكم  واحدن راح يضبب وماقدر يرجع لأن ماجلان وقتها بيقول له : صك اللطمه واخمد عساي ادلك الصبح ومن فوقك ، عاد الضحك  صدق هو  ان هالعجاج اغلبه ما يتسلط  الا الويك ايند يعني اللي اعرسوا ذيك  الايام وخاصه حقين الاستراحات ما عرفوا المعازيم من الصبابين وحسب آخر معلومه جتني يقولون ان فيه معرس هاك اللحظه حاول تدارك الوضع والنحشه قبل يستفحل الغبار  ولقط المدام وجلسوا في السياره استعدادا للانطلاق وفي الوقت اللي يفرك عيونه المندفنه من حبيبات الرمل والبرتقال انكشف له ان اللي معه هي الشغاله بعد ما طقته بعين ورفعت الكمامة وصرخت  بوجهه : هادا مسكل كتير انتا فين ودددددددي ...