آآآآه آآآآه وش هالحر اللي عندكم  ياكافي يوه هر .. هر كتير احس الميك أب يتقاطر من خديداتي يعني وين بودي بشرتي الرقيقه والحساسه من هالقوايل شكلي بسوي بيات صيفي تحت مكيفات السبلت وثلاجات الآيس كريم <== يقعد نص ساعه في غرفة الصراف عشان مكيفها

هالواحد هالايام غدا  مثل العسكريمه اذا حطيناها على طبلون الموتر في عز الشمس تذوووووب وتمووووووع كوردتن لونها مووووف ذبلت ذات حزه

ماعلينا بقول لكم  سالفتي مع احد المطاردات اللي ما غمضت لي جفن  بحكم اني مطلوب  من قبل الجوازات تخبرون واحدن مثلي أصله سنغالي  وش تتوقعون يعني بيصير له  عموما بخش دغري بالموضوع

 ذات حزه كنت جالس في غرفتي  اللي بالمرزعة متطامن باسم الله فجأه سمعت أصوات أقدام زي كذا طرط طرط طرط <== منقطعه نعلته والثاني كذا زط طع  طزطزط طع <== زنوبه وانا اللي اقمز من متساني واويق مع العين السحريه ويالا الهووووووول صار راسي كبر خشة ابو الهول  هذا اللي انا خايف منه شفت  2 من الجوازت معهم الكلبشات ولابسين البدلات ناويني وعيونهم تسزدح شرار لأنها المره العشرين بعد الميه اللي يحاولون يغتالوني وما يقدرون المهم تداركت الوضع وحطيت المسنده والوساده على السرير وحطيت ابريق الشاهي المحترق اللي مفحم مكان راسي تخبرون مهنا فرق <== راسم سنون على طرف البريق قال لكم يبتسم وهو نايم واروح المخبأ السري اللي هو فتّاش أرضي يوديني على حديقة المزرعة ومنه على  نخلة البرحي اللي باديه تبطبط  وفي اللحظه اللي انزل فيها كسروا الباب وهجموا على الغرفه وقعدت اتسمع عليهم شوي بشوف انطباعهم ومدى حقدهم على  حضرة جنابي

 جوازات 1 : وينه هالكويحه والله ما تفلت مني هالمره يا الزيتونه

جوزات 2 : اخبر زيتونه مرة بباي وش جابها هنا ؟ <== مفهي

جوازات 1 : انطم وكل تبن مخصوم عليك ريالين ورح دوّر هالكويحه

جوازات 2 : اص اص هذا هو شفه نايم خل نطغسه ونقبض عليه

جوزات 1 : هلا بك والله لحظه بصوره بالكميره على هالوضع بيني وبينك عليه وجه رومانسي وابتسامته تعطيك بقوه شكله يحلم انه في ربوع السنغال هع

كشكش كشكش شكش ( تم التصوير في استديوهات زماني )

 جوازات 2 : طيب سيدي وش رايك نطعنه طعنه تخدره شوي اخاف يعابط ويرامح كنه ثور  !!

جوازات 1 : طيب ما يخالف رح شف الستسين ( السكين)  فوق الصحن واطعنه مع بطنه والله يستر لا يصير حامل <== يستخف دمه

جوازات 2 : بسم الله والله اكبرررر وقبل يطعن حط يده على راسي ولقاه حار <<== توّه مسكر على البريق ورفع يده بيطعن  اعهه ششطططططقق  غاصت سكين الخضره بكل سهوله وانسيابيه <== لكزس مهيب سكين J جوازات 1 : يؤ يؤ وش ذا وين الدم ؟ شكله حامل صز وبعدين ليش ما قام وجع يوجعه للحين وهو مبتسم هالكويحه عاد هو يوم  طعن الوساده تحرك البريق وطلع منه شوي شاهي مع تلقيمه وحسب اني مطرش هههه

جوازات 2 : يزيح طرف الشرشف لتظهر عروة البريق قائلا : سعادة العريف  بالله شف خشمه طويل تعال ضحّك وعطه صوره

جوازات 1 : يطّل كنه يويز في وسط قليب هذا خشم انت وخشتك يالغبي هذا بريزه المصون والله ولعب علينا هالسنغالي مشينا نلحق عليه البريز توّه حار يعني مابعد ابطى ( وش خليتوا للأنتر بول ) ويوم جو يطلعون قعدوا يخربون كلش بغرفتي ويكسرون المواعين والبيالات وطاح الفلفل فوق الفتاش وتناثرت حبيباته المثيره على راسي وخشمي مما جعلني ادوي بصوت مثير 

آآآعطسووووووووووووووووووووووووه

آآآعطسووووووووووووووووووووووووه

جوازات 1 و2 : يرحمك الله ( كل واحد يحسب الثاني عاطس )

جوازات 1 - ماعطست اصلا

جوازات 2 :  انا بعد ماعطست اصلا

جوازات 1 و2 : اجل من ؟  اصبرررر ! لا يكون هالسنغالي اكيد هو مافيه غيره

واللي زاد الوضع سوءا هو صوت الجوال يرن العن ام القهر مهوب وقته

يا ربييه فيه ناس ما يذكرونك الا وقت  الزنقه

ترنتنرنتنرنتنرننت تنرنتنرنتنرنتر تنرنتنر طيطيطي طيطيطي

ترنتنرنتنرنتنرننت تنرنتنرنتنرنتر تنرنتنر طيطيطي طيطيطي

ويتبعون موجات النغمه الين وصلوا الفتاش وكلها شوي ويطلع السفر والنور علي واشوف السقف يكتنفه قليلا من خشة

جوازات (1) طبعا رتبته عريف اول ركن  : هلا فيك والله

ابو هارون  : ياهلا والله وغلا ياهلا بهالطله اشتقت لخشتك والله

جوازات 1 : تشتاق لك العافيه يابعدي وحشتني  يالجربوووووع اثرك هنا

ابو هارون  : وانت اكثر والله  زارتنا البركه اسفرت وانورت

جوازات 1 : منور بصاحبه ولو انك اسيود لكن قل لي من متى وانت هنا ؟

ابو هارون  : ابد لي 4 ايام حبيت اغير جو

طيب ممكن اغير جو معك جوازات 2  تعال بسرررعه

وتبدأ رحلة المطاردات انا ازحف وهم وراي ويوم وصلت نهاية الحفره طلعت ورحت بسرعه وجبت ليّ المويهحقت الحديقة وحطيته عليهم وسديته بخيشه وبرميل جرانيت وحطيت بلكه فوقه طلعت كني اغرّ لي ضب واحتريه يطلع ههه وانحاششششش لأقرب شارع الين لقيت راعي بيجو وأشرت له وماقصر وقف لي وركبت ورى طبعا ما تشوفون الغماره مظلمه ومحاتسيكم مسكّر خشته ما ابتسم  <== الوضع ما يساعد 

 راعين الجوازات قدرو يطلعون وكلهم طين وحوسه وراحوا للغرفه وخذوا اشغالهم وكميرتهم وركبوا الجيب حقهم وراحو يكملون عمليه البحث

عاد انا ضاق صدري وقلت مايصير اقعد بغرفتي واتعرض للمداهمات كل وقت صدقوني صرت ما اتهنا بنومي كل شوي افز من نومي واتخيل كرفته حقين الكشافه تدودل على خشمي 

طالبكم تكفون اي واحد فيكم عنده القدره انه يكفلني لا يتردد تكفون راح اكون ممنون له اكتير اكتير ومنيب ناسي له هالجميل

لأني تحطمت كل من قلت له اكفلني قال اكفل عنز والا اكفلك 

.............................

شي ما شفتوه من المداهمه  : -

جوازات 2 بعد ما نحشت يقول لخويه عندي فكره مشينا نحمّض الفلم ونحط صورته وننشرها مطلوب بكم ريال ؟

ورد عليه جوازات نعنبوا شيطانك اللي انت مصوّر بريق الشاهي المحترق مهوب خوينا وش بلاك انت 

واحد منهم طلع من الحفره وجازت له البرحيّه وقعد يلهم منها ورد عليه خويه صايق ماودك اجيب لك القهوه ؟

سواق البيجو اللي وداني يسالني يقول : ترانا رايحين للجوازات معي ناس بنجدد جوازاتهم  تحترينا والا ننطلك قبل  وآآآآآآآآآع يعني هيّا الجوازات ورايا ورايا

 بصير كني بربري رايحن للقصاب L

برضه سواق البيجو كان رايق ومشغل اغنيه علي عبدالستار  يا حبيبي ترا القلب منك سرح وانجرح  ...

وبطبطت عيوني دموع لأني ذكرت خطيبتي في السنغال

وآآآآآآووووس يالبي قلبسسس وعمرس 

خلاص سكروا الصفحه غضوا النظر