سكــّـــة المتزاعليـــن

 

اكثر شي يميز الحواري هو المزاعل والعياره  وسبحان الله يجيك واحد ماتعوق معه ما يجي في باله شي الا ويرصعك به اومن يوم  يسمعك غلطت بكلمه  يقوم يلصقها لين تنشب فيك عياره

 

ماعلينا من هالامور  فيه حاجات قاهرتني بخصوص المعاير

ما اقدر استوعب ان فلان الدب المليان اللي يتفاهم كل صبح مع خمسه ساندوتش ويلحقها باثنين بيض   عيارته المسطره  :(

وما استوعبت ان هاك المنقطع اللي كنه مسواك  يعيرونه دبة الغاز

 

وهاك الاحمر الاعطر <== اردني ساكن عندهم 

عيارته الغراب  ياويلكم من الله مالقيتوا الا غراب

 

عاد احسن شي لا جاكم اثنين قاموا يتعايرون انواع الوناسه  :

1 -على تبن ياسنون القطوه

2 -انت وخشمك اللي كنه نقانق

1- من زينك انت  وبرطمك اللي كنه ديرمانه

2-ازين  منك يا  كيسة القريض

1 - انت وطاقيتك اللي كنها طباقة غلايه

2 - لا يشيخ ! ماشفت اذانك الا كنها دسك فلوبي

 

عادي يتصارحون خلوهم ههههههه

 

وفي الاخيرررررررر  يتزاعلوووووووون :(

وقبل يتزاعلون يصفون حساباتهم  عطني شريط السوني  الي خذته مني امس

والثاني : انت رجّع شريط سنان اللي خذته قبل شهر وبعدين  يصير خير

 

نجي للمزاعل  على اصوله

يا اما انه  يبدا من السبب اللي فوق  ويتفارقون وهي الروحه

والا يجي واحد نذل ويلعب في راسه ويسوي له غسيل مخ لين يروح  يطق على خويه الباب واذا طلع له قال : تراني مزاعلك 

عاد ذاك مسكين  يا اما بتطير عيونه والا بيقول ابرك الساعات <== اكبر همه يشيخ

قسم بالله هالسالفه صز تخيلوا يقومه من غرقة نومه عشان يقول له  مزاعلك  ويمشي ههههههه انواع البجاحه  عجل على الشر

يلعن شكلك  اصبر لين يوافيك بالشارع والا تقابله في مكان <== وش فرقت

 عاد اللي يبي الضحك يكون بمجلس فيه اثنين متزاعلين   مره كنت بمكان وجا واحد معزوم  ويوم  وصل المكان  قزّ له واحد مزاعله يقبع ( اروح بنكرياس موف على يقبع ) على طول ضبط اموره قال : السلام عليكم الا واحد  ههههههههه

والا يقول السلام عليكم الا اللي على يمين  فلان  <== حشا كروكي  

والا اذا صاروا يلعبون كوره فيه لعبه اسمها ( تطليع ) يعني اللي بيسجل هدف يختار واحد  يطلعه من اللعبه اذا سجل واحد هدف  قام الثاني اللي متزاعل معه  وراح برا الملعب من نفسه  هههههههه فاهمها

ياحبي له اتيكيت وبرستيج في فن المزاعل  هو خابرن ذاك ناويه ومهوب قايلن اسمه  فهمها على طول

واذا وصلت اقصى درجات اللعانه  جلس ماطلع واذا تكلم اللي مزاعله وقال اطلع انت واشر عليه  جا يمه وقال ليش تقول اسمي هآآآه ؟  ليش تحاتسيني ؟ هماني مزاعلك  ويتلاقطون حتى لو  وصّى واحد  من اخوياه يقولها له ما يرضى لين تجي من صاحب الهدف ومن لسانه انواع الاستقعاد والملعنه

 

عاد اقصى درجات المزاعل يكون فيه صد وحوسه  تخيلوا لا شاف  اللي مزاعله بشارع او سكه من سكك هالحواري او حتى في البقاله  يحط يده على وجهه  يعني مابي اشوفك ولا المحك او يلقط كرتون ويصد به  واذا كان مخربها وناوي يتحرش  قعد يطلع اصوات والا كنه يستفرغ يوم شافه خخخخخخ

بوآآآآآآآآع  وآآآآووع

واذا كان معه خويه قال له يصوت عالي : ماتشم ريحة خياس :(

عاد ذاك يلقطها ويرد  عليهم ( مسكين مامعه خوي )  ياربييه ريح فطيس مر من هنا

 عاد ذوليك يضحكون مسكت معهم  وشلون فطيس ويمر من هنا  ها ها ها  هو هو هو ( صورة واحد ماسك بطنه ويطق برجله الارض من الضحك )

وتقفل مع ذاك وهو يشوفهم يطامرون ضحك  ويلقط النعله ويسفها  بينهم وتبدا المشابكات والبقوس لين يتصدق عليهم واحد بالشارع او المحل ويفكهم

قصه حاصله لواحد تقابل مع الثاني في شارع واحد  قام الاول والتفت يسار ه وهو يمشي قال لك  صادن عنه وما درا الا وهو متكرفس في برميل الزباله هههههههه

خله من قال له يصد

عقب الصدمه تأثرت عقليته صار يغني  الصد والهجرآآن ماهووووب  طبعي

 

طيب وش بيضرك منتا ماشي اهوووه في سكتك والا يعني  هتئلبها سكة المتزاعلين

 ليش الصدود والحب ماله بك حدود وان بعت عشه حمامك حلفت لادفع لك وازود  <== الاخ بيقلبها حفلة صيف

<== وينك  عن السوبر ستار يبو هروني

 

مابي اكون متشاءم عاد  خلوني اجي لطريقة الرضاوه وصفاء القلوب

يجي فاعل خير ويدهن سير واحد منهم ويضبط العلاقه  والا يجي واحد من اللي متزاعلين ويروح لخويه ويقول تكفى صاحبني مع فلان :(

يجي فاعل الخير ويروح للرجال ويقول فلان يبي  يطلب يدك <== انلحس

الولد وده يصادقك وترا الامور ماتنفع والدنيا مافيها خير وانت خابر ..  ( يقاطعه ذاك خلاص يرجال بتقلبها محاضرة )  خلاص خله يجي بس هو اللي يمد يده اول و يسلم ويتعذر <== عادالخطا منه هو ووجهه

والمثير لإنفجارات الوجوه

فاصل اعلاني :

شدوا الملايات واتغطوا وناموووو   واللي يغمض هيشوووف في منامووووو

تووووووووت تووووووووت تووووووووت توووووووت تت تت تت  تت تت

أطر صغنطوووط   في الليل بيفوت  وبيهل علينا في ميعاد مزبوووط 

جلا جلا تلعب باشواقي .. جلا جلا تلبس طواقي 

 

بترووح لك مشوار  اولت اللووووووو ياريت <== شويه مغبر

<== يجهز نفسه للسوبر حمار هع

  باك :

 اقول لكم المثير لإنفجارات الوجوه  هو انهم  يتراضون ثم يتزاعلون عقبها بيومين وكنك يبو زيييييييد مارحت تخرف تمر

ياخسارة الطردي والوسايط

 والله مشكله هالحواري :

ان تراضوا  تهاوشوا على حاجات بسيطه

 وان تزاعلوا  تحرشوا ببعض وتهاوشوا

وان تهاوشوا وتراضوا تحرشوا ببعض

وان تحرشوا ببعض تراضوا وتزاعلوا

 

فهمتوا شي  ولا انا  

 

ايه صح  نسيت اني مزاعلكم  باي

<== صد