طبعا السياحه  هالايام  على أفى من يشيل و في كل متسان  دعايات واعلانات

 فعشان تسذا حبيت اسوي دعايه لبلدتي العزيزه

اغلبكم  ما يدري عن القراين انها بلدة حالمه تغمرها الثلوج    

اللي يشوف الصوره  يجزم ان هاك  الجبال  هن  اللي ساكن فيها جد هايدي  هو  والكوخ حقه  وان بيتر يتدير  هناك بغنيمات وهو صاك اللطمه ولابس امتن ما عنده من سحيات  ودسوس وفنايل صوف مصحينها من اسمن خروف  والله يخلي جدته  ملزمه عليه ما يطلع الا متجوّد     قايلة له :

( لاآآآآ تطلللللععع ياآآآ بييييتر إالالا متجوووووّد ترىىا البرررد ما يمزززح وترآآها  هآآآبه اليوم ومبتسية اآآبا الحصييين  

  ولا تنسى تشب لك ضويّه

  واحيانا يجلس هو وهايدي ويشبون    ويسمرووووون  ويشوون احد  هالتييسات <== لو يدري عنهم جد هايدي كان حط بيتر عصا  للفاس حقه

 ما علينا من الجبال  نجي للكروكي  وللطريق اللي قدامكم وعلى فكره لحد يمسك الطريق الايمن مره  عشان ما يصدم اللوحه  لأنهم حاطين طرفها على الشارع  الله يهديهم  واخاف يجي احد ويقشعها  :(

 ولحد يوقّف موتره جنبها ويطلّع البخاخ  من تحت المرتبه ويكتب خرابيط  ايام المتوسط  <==  ما بعد ابطى كاتبن على البراده  ( قراندي )

هذا غير النزله اللي تحت   الله يستر لا يصير فيه دببه سايبه  ثم  تقشعونها والا شي   صحيح انها وناسه ان الواحد  يجي داعس في نزله  كود يطمر به الموتر اذا رقا  لكن انا حذرتكم ان فيه دببه ماعليها عاكس  ولا شي <== دببه مغاتير ;)

اما اللفات اللي يمين  هذي الاوله  توديكم لبحيرة ام القبص  وفيها بتلقون شاليهات  للعزوبيه <== افرحوااول مكان للعزوبيه في الشرق الاوسط  

أما اللفه الثانيه توديكم لهجرة الشخانيب  ومنها بتطلعون على هجرة ام القوانص 

بعد ماتوصلون راح يستقبلكم موكب بيوديكم على طول  للتلفريك اللي طوله 50 م ومنه بتشوفون البلده بشكلها الزاهي والباهي  وبتشوفون الفياض والمروج والمصيف خخخخخ

بعدها بيوديكم  الموكب لمزرعة الابقار اللي تعتبر المصدر الوحيد لضخ الألبان الطبيعيه في المملكه ككل تحت شعار ( البان القرائن  ارضع وقارن )

وبتشوفون كيف نربي البقر وكيف ان غذاءهن ترعاه ايدي امينه ( رزق )  نعطيه بيتزا وبرستد وفطاير وبعد كل وجبه نفرش سنونهن  ونهمزهن بآالات  زي المقشه  لدرجه انكم تسمعون البقرة لا حكينا ظهرها وهي تقول ايه ايه  فوق شوي   يمين  يسار

بعدها راح نوديكم لملعب القرائن الدولي  واللي اقيمت فيه فعاليات كأس الضب الشفاف  عام 1988 م وهي نفس السنه اللي حقق فيها نجيب محفوظ  جايزة نوبل بعد ما اقتبس روايته اولاد حارتنا  من فريق حارتنا لذلك ننوه بالحقوق النوبليه ( صورة وجه احمر ) 

الملعب هذا يحسب الاهداف  بنفسه تماتيك اي شي يتعدى  خط المرمى على شكل كوره يحسبه هدف  لكن تم الغاء هالخاصيه ( حاطين no  عندها )   لأن اغلب المهاجمين صاروا يجيبون معهم قنفذ ويخلونه يشق للباب  والحسابه بتحسب خخخخخخ

بعدها بتلقون عشة حمام على مستوى الشرق الاوسط  لصاحبها نويصر  مجرد ما يصفق بيديه يقلب بالعشه عشرين  حمامه  مع صندوقهن  حتى البيضه تحسونها تتحرك

 ومن براعته في التدريب اذا سوا زي  حقين  الاتحاد  وصفق وحده وحده وحدآآآآآآآآآ   قلبت العشه كلها 

وعلى ذمته يقول انه عنده زاجل يشيل طرود وهدايا ويطق  باصبع  للفيدكس  وان هالزاجل يتمتع باحدث التحديثات

مانقول الا خير ياوجدنا نقلبه على الشوايه

في المقابل  بتكون رياضة المصارعه القرائنيه  ( السومو ) في قمتها وبيجيكم هالرجال الطيب اللي تسنه لا بسن شماله يفوحج  قدامكم ما شاء الله عليه  ما تميزون وجهه من مقفاه خخخخ  مهمب يسمونه الا الفطحه

واللي بيغلبه ويلفط به بتكون له جائزه ثوب مجانا من محلات باوزره

على فكره اذا طاح يلزمنا ونش عشان يوقف على رجليه

وفيه من ضمن المسابقات  مسابقه شيقه  باسم : من سيدخل الجحر

 عباره عن سباق مع احد الضبان 

ومسابقه مع

   مق مق  صاحب اقوى دعسه في عالم الطيور واللي بيسقط عليه له تذكرة سفر  دبي  - القراين 

ولعبه اسمها انبح واربح جوّا المسبح  وفيها يحسب اكثر عدد من الفقاعات للمتسابق <== الله من واحدن بيفطس

عموما راح تختمون رحلتكم السياحيه بحديقة الحيوانات اول قفص بيوافيكم فيه بعوضه  .. لحد  يستغرب او يضحك  من جد هالبعوضه هي اللي ادمت مقلة الاسد  خخخخخخ  وطغسناها بعد  ماحطينا لها عصير طماط

والقفص الثاني بتلقون زرافه رقبتها قصيره مره  مسجلين  بها حاله نادره <== مودينها للبيطري وقاص منها 15 لفه

والقفص الثالث  بتلقون شي غريب مره وغير مألوف ... بنك  بانثر  بشحمه ولحمه  شفتوا اشلوووووووووووون  القراين غير

نجي للقفص الرابع  عيونكم  مهيب مصدقه اللي بتشوفه (قرد ماله مقفّى )  وهذا طالبته حديقة في استراليا  تبي تتبناه  وتكثر من فصيلته  لأنهم يقولون صارعندهم  نقص في الصراويل  وعشان كذا ناوين  يوفرون قيمتهن  ..  وعلى الطاري  ليش ماتسوي حدايقنا مثلهم ؟  من جد والله ليش ما نصقع ذا القروده بكم صراول  لو  نلبسهن صراويل سنه  او خرزه  او خيشه  اي شي  بس كونهن  بهالشكل  شي مقرف  <== بلا والله خابرات محدن مناظرهن

اذكر مرتن من المرات  كنت بحديقه حيوانات وهالسالفه صز المهم قاعدن اتحمد ربي على هاك القرد وهو يناقز وكان عندي  بزر صغير ( ايه عادي ترا فيه بزر  كبير ) ويوم دريت وينقز هالبزر ينادي ابوه  يبه تعال بسرعه  ويجي ابوه خايف ما يدري وش السالفه  وش فيك وانا ابوك  ؟؟  الولد : شف هالقرد يبه

الابو : وش فيه

الولد بكل براءة : شفه طالع .....  ( لا يمكن الوصول اليها )

ملاحظه : اللي داخلين ببروكسي  تطلع لهم الكلمه خخخخ

الابو مسكين احمر وجهه وقام يتلفت لا يكون احد  سمعه  وسحب الولد  مع غالوقته  امشششش  بس امك  تبيك

نجي للقفص الخامس بتلقون فيه ثعبان كبير طالعتن سنونه  ومركبين له جسر

وفي ذنبه قرقاعه يعني اللي معه بزر يصيّح يجيبه لهالقامه تلاعبه

اتمنى لكم سفره سعيدة واجازه  ممتعه <( لا تنسون الفروه ) والبسوا اثقل ماعندكم