ققبل كلش احب اعلمكم سر جديد وهو اني معي جنسية سنغاليه بحكم اني مولود هناك في وسط عشة مبنيه من الخوص وسعف النخل وعشان كذا حبيت ارصعكم برحلتي لمسقط راسي بعد ما اضطرتني الظروف اني ادرس في دولة شقراء العظمى يوم بدت الاجازه حقت المدراس واتصل علي خويي هناك اللي اعتبره هو فزعتي في الحاره هناك يعني هو مشبكني ودايم يركبني في عربته ويكشخ بي لأني كنت املح واحد في الحاره السنغاليه بحكم ان امي دايم تروشني في النهر الله لا يهينها تحطني على طرف النهر وترصني ببلكه وتروح تقضي لزومها ؟ <== ليتها ماكلته التماسيح 
المهم دق علي خويي   : الو ممبوقاله يعني مرحبا انا نسيت اللغه حقتي قلت غلطان يخوي مهيب بقاله قعد يضحك وعرفته بضحكته لأنه ينهق في آخرها قال اني واحشه وانه يبيني اجي يمّه هالاجازه وطبعا وافقت وتوكلت على الله ومشيت وصلت المطار واحتري توصيله وتكاسي وماش مالقيت احد ومير يمرون هاك الشله وانا اشّر

لهم ومن يوم أشرت ويكع فرامل راعي الموتر والا يوم تكرفس حول خمسه من اللي في الصندوق اللي سحّ على التندة واللي طاح على وجهه واللي قعد يطل على الراكب وطبعا الدعوى فري متعودين ضحكوا على بعض وعلقوا وشفت المحل استاسع شوي وانا اللي اشقص بينهم وبالأماره شوفوني ابو فنيله برتقاليه اللي يلوح بيده الكريمه قلت للسواق وصلني لحارة الأدغال المشافيح وما قصر نطلني على طريقها وانا ماشي والا هاك الديناصور ؟؟ سبحان الله وين طلع معه ؟
انحش ياولد شكله ناويني ومن الروعه جتني ام الركب وشصبت مكاني وماعاد قدرت امشي وهو اللي يلقطني في اقل من ثانية الظاهر شاف فنيلتي برتقاليه وهو يسمع بمزمزة الميرندا وجت الطقه

 فيني  وتشوفوني ماد يديني على طريقة سوبر مان لأن هذي امنيتي اني اعانق الهواء بدون عوامل مساعدة <== ليته قارطك ومستريحين منك ويوم حسيت اني سجين سنونه وان لعابه يرطب ثيابي صرخت 
آآآآآآآآآه آآآآآآآآه النجده كود يجي لو حليب السعوديه او يسمعني احد يساعدني واشوى صرت حول خيام ربعي ويجون يركضون فازعين اللي يحلته بكربه واللي يهشّه بعسيب ؟<== حشا ذباب مهوب ديناصور .. وجا واحد ومسكه مع ذنبه وعظه والا يوم صرخ الديناصور واطلقني من اثمه وانا اجيك مسلفح على وجهي في وسط النهر في عز هالبرد وينطلون لي حبل النجاة واجيك طالع مرطرط كلش يتقاطر والمشكله ما معي ثياب تبديل ونشبّ هاك الضويّه ويعطيني واحدملابس من

 كيسه معه قال لك جديدة ما بعد لبسها وهي 
كلها خوصتين مربوطات ماله منّه بس اللي قاهرني ان فيهن سحّاب في النص مدري وشو له كخخخ ويوم وصلنا الخيمه والا هاك القدر اللي يفوح ما شاء الله تسمع بربرته وانت بعيد ونجلس نسولف عن حياتهم وبرنامجهم وسالتهم عن سالفة الديناصور وقالوا انه مستقعد لهم كل يوم يجي ياخذ منهم ضحيه والا بيهجم عليهم كلهم ويتوطا في بطونهم وانهم ودهم انهم مخلينه ماكلني عشان يطيح منهم هاليوم بس خويي رفض افا يذا العلم طقتني النفاضه المشكله خويي دقوا عليه اهله واستاذن وراح لأن امه كانت مريضه ويبي يجلس عندها ويرافق ورئيس الحاره المحافظ حقهم نظراته لي مهيب طبيعيه مدري ليش ؟ وكل شوي يناظر فخوذي ويناظر يديني شكل الديناصور شارط عليهم انهم يحرصون على اللي مربع ومتعافي المهم وانا نايم هاك الليله هجم علي 2 منهم وربطوني يمين يسار ماش عجزت افك روحي واثرهم يبوني طعمه للديناصور ويربطوني لين موعد قدوم سعادته

 وجا الوقت المحدد واقبل الديناصور تقاطر سعابيله وهم معودينه اللي منطول عند هاك النخله له مايحتاج انه يطق عليهم ويسالهم وشاف هاللي يفرفش وقرب خشته يبي يلهمني وقلت له لحظه ابو دنصر دقيقه انت الحين بتاكلني كذا حاف بدون شي وين المايونيز وين الكاتشب ؟ قال ايو الله صح ما جت في بالي قال وين القاها قلت شفها في الخيمه موجوده
اي شي تلقاه لونه احمر هو الكاتشب وتاكله عشان يختلط معي قال طيب ويروح للخيمه طبعا اللي فيها الرئيس والاه مشغل المسجل وقاعد يدهر 

والا يوم طب عليه وفنك في امه والا هذا خويي يجي وانا اناديه بسرعه ويجي يفكني وش السالفه ؟ والاه في طلعة الديناصور خشته تقاطر سعابيل حمر ( الكاتشب ) كخخخ وانا اللي اعطططططط انا وخويي والديناصور يلاحقنا حنا ننحاش وهو يكبس لنا ولا نور فكس أر وما فكني منه الا امي قاعده تقومني ابو هاورن وش فيك ? باسم الله عليك اسمن يحول عليك وش فيك تزاعق واقوم من النوم والا في يدها كاتشاب وبطاطس اثري موصيها عليه قبل لا أنام
والحمدلله صارت الدعوى حلم لا تشرهون كل مسلسلاتنا الحين كذا وش زودي عنهم