فمان الله يـاسمـوم القـوايل ... فمان الله يا ضب النثايل

نبي نرتاح من شمس الهوايل ... ونقتلها بكون زون وسوايل

<=== الله من زين المقدمه

مشكله :

اذا صرت في الملحق فاعرف ان المكيف ما يلحق

واذا صرت في موترك  الخ الخ  

واذا صرت تمشي في الشارع زي شفييييييئ يا راقل فانت تبي تفطس حر وتبي تلفحك (سموم القوايل) <== يصلح اسم ديوان

بشرتي بدت تغير وحالتي ماعاد ينسكت عليها لازم اعط يمين والا يسار وبما ان حالتي الماديه ما تسمع اروح فيننا او بنجلاديش فانا مديت رجلي على قدر <== قدر والا غضاره فراشي  

هالصوره تحكي الواقع المرير لي كم يوم على هالحاله كل ظهر<== صدر  لازم اجلس في هالسطل واجدع فيه كم كيسة ثلج كود تبرد عليه لكن مافيه فايده 

شوفوا البخار وشلون يطلع من زود الحر وشوفوا  الفقاعه الكبيره اللي يسار لو تنفقع نحشتوا من الموقع 

لحظه لحظه ؟ تعال انت وياه وش قاعدين تطلون وسط السطل خابركم طاقن فيكم عردز المعرصه حبيايبي منتمب شايفين شي حتى لو قدرتوا تطلون وسط السطل فما موافيكم الا سروال السنه المشجر اللي اطرافه قلوب حب انتفخت مع المويه  يعني اقصرو العنوه لأن اللي في بالكم لايمكن الوصول اليه 

المهم قررت اطس لأقرب منتزه وسعمت بمطل وشيقر وبعد تفيكر عميق قلت ليش ما اروح اجلس هناك كم يوم ارفه عن نفسي

اهواك واتمنى لو انساك <== مر واحد عنده مشغل هالاغنيه

  هذي صورتي وانا رايح للمطل خذت العده ولبست لبس البحر باعتبار ان المطل فيه لو قطيره بحر اطافش فيها وقعدت ادور يمين ويسار وماش مالقيت شي  <== العالم يناظرون فخيذاته ويغنون : بانت السيقان والقلب انكوى 

بالله مهوب كني زمامه انا ونظاراتي

<== الحين يمكن الوصول للسروال الرومانسي

عاد شفت الدعوى مندمره رجعت للستراحه في المطل ولبست فنيلة العلاق <== تراها مشوخله بس مابانت وفيها علك ناشب بس ورا ما يبين 

وفصخت الشبشب وقعدت اهف على نفسي بقطعة كرتون من فحم المجمعه <== يسوي دعايه

وتقفل معي من هالجو الذابح <== ابو سعد الذابح  وارجع بشبشب حنين للبيت وما لقيت احسن طريقة للتغلب على هاك السموم الا اني اشغل الدفايه واطق الفروه واصك الباب واللطمه والدرايش واجلس في سطلي كني دجاجه في كاتم ومعي عسكريم تويكس وكون زون وكم غرشة بارد وعلى هالحاله كم يوم الين تعودت على الحر وصارت سموم القوايل مالها عندي مثايل  <== ضب لاتشرهون قال ايش قال تغيرت بشرتي الا تغيرت عكرتي

حقوق الرقعة محفوظه لأبو هارون