أمصل وجع في الحياة هو  وجع الضرس ، تعاف الدنيا كلها وتتمنى ان الوجع ياقف دقيقة بس وتدفع مية ريال ، وضرسي بزوده عاد جايب كل قوته وخلا الدنيا في وجهي مصفره الين  صملت هاك اليوم  ورحت للدكتور ووريته اياه وقال لي لازم كشف نظر ؟  مدري وش دخل النظر في السالفه  عاد طاوعته وراح  بي لغرفة الكشف وجلسني على الكرسي وقال سكر عينك بيدك  قلت له عين وحده والا كلهن  قال لا كلهن يتطنز ( الله هاتشوف ازاي )  قلت له اندري عنك  انت وخمتك عاد خمبقت وخبصت حرف السي خبص حتى الكبيرة اللي فوق اشوفها كنها جنط سيكل  مدور ماله فتحه ؟   المهم  مسكني بيدي ووداني لكرسي الأسنان  ووريته الضرس  على أنه يبي يحشاه  وارتاح ويوم  شافه قال ( مش ممكن أبدا دا عاوز ألع ) ياولله البلشه يلعن ابوك يالسوس ماخليت شي تقول طاق بير ارتوازي في وسط الضرس عاد  يوم  شفته ملزم  قلت شله يا دكتور وامري لله كودها خيره وارتاح  منه مره وتبدا  مرحلة العذاب سدحني على الكرسي المتحرك والله ياهو  كرسي  مسكت ( بعذر ابو ذنب يلعب به ) المهم قال لي افتح  بؤك وانا افتح له اثمي وهو  يطق له ابرتين بنج على كيفك كبر حقات البقر يقول ( يالله يسرن فيني ) وشوي والا خشتي مورمه ويابسه ، ويروح يجيب العدة حقته زرادية ودريل ومطرقة وخذ يا شغل قلت له : ( ماعندك حفرة زيت ) قال لي ( عشان إيه ) قلت علشان البق فيها وش هالعدة اللي انت جايب ؟ قال لي : متخفش افتح  بئك احووول ماسكه على هالبء ، ويشتغل ابو الشباب ويتك الضرس بالزرادية وتفرط كم مره بعذره مالقى شي يمسكه  هو السوس خلى شي ويتلتل في مره ثانيه حتى ان الكرسي يهز وهو  يقلقل فيه صار لحم مفروم مهوب ضرس واللي قاهرني انه يسحب الضرس بكل قوته وضرسي ماجاب خبره مع ان الدكتور معه زند يروع ماشاء الله لكن مافاده وقلت له : افا يا دكتور كسرة ضرس يقواك  ، انا قلتها والا ماقلتها حقد عليه وتكه بالزرادية ويسحبه بيديه الثنتين والا يوم تفككت مسامير الكرسي ! والضرس  تسمع طقطقت عروقه وبس وعقب الطقاق والحسره والدريل وعقب ما كسره إربا إربا  وعقب ماصار ثوبي كله دمان شاله اربع قطع وانا اطيح  مصفر لأن الدم خلص عندي وشوي وانا اقوم على ريحة بصله يفركها في خشتي اللي مورمه المهم استجمعت ضروسي قصدي قواي وقمت وثوبي متلطخ والدكتور يبارك لي ويقول  ( دي عمليه قراحيه ) مش ألع ضرس قلت له الا  والله هذي ضحية مهيب عملية  هات ضروسي  المتكسره خل احطها ذكرى والله يستر من عواقبها ويوم  جيت اروح  كني اشتقت للكرسي  وانا اتغافله وهو  يمسح  العده واروح اتبيثر والعب به طالع نازل  وما امداني اشبع غريزتي الا وهو   يطب علي ويقول الله انتا ماروحتش طب افتح  بئك    وعينك ما تشوف الا الغبار الدعوى فيها بء ثاني لا والله الفكككككككه