مدخل :  

دجاجتن  بيضا على البيض ترجن

من كثر ما ترجن على البيض يفقس

تطحن حبوب العيش طحنه وتعجن

وتنبش على ارض المحبه  وتلقس

مدري دجاجه انس  والا من الجن

وفيها طبع  تنقر وترمح وتبقس

==============

فاصل اعلاني :

الدجاجه المنتفه هي احسن وسيله للاستمتاع بالشوي فوق لواهب الجمررررررر

والدجاجه المنتفه  قابله للاشتعال في اي لحظه <== صارت تريله مهيب دجاجه

<== جايب  معه شبك  شوايه

<== شابن ضو  عشان يعقم الشبك 

<== وجع صار  شارع تحويله مهوب اسهم

 هذي صوره لمصنع دجاج منتف وش رايكم كنهن عارضات ازياء احم قصدي كنهن في ملاهي <== اي شي بس يبي يصرفها

بالله هالمصنع  لوه عندنا هنا كان وش بيصير ؟ اتوقع كان القطاوه تبي تتجه بسياحتها عند المصنع <== يبي يغلى اجار   المعاشيش يصير بالدولار :)

 لا تستغربون القطاوه الحين  احسن  منا في اختيار اماكن السياحه يعني نلقاهن عند المطاعم مرتزات وموالفات  تجي تدخل المطعم يقعد  يحكك ذنبه فيك  يعني افهمها  لا تقضي الصحن  خل فيه ولو  عراش او جناح محمر

وتلقاهن عند براميل البيت وخاصه اللي عندهم  عزايم  عز الله بيلقن  نعمه

<== ماتلاحظون انه طلع عن الموضوع

<== تكفون واحد يرجعه للخط تراه يحذف موتره

نرجع لدجاجتنا اللي تواجه الحين انواع التظلمات والتنتيف الجامح من قبل المصانع كما هي الصوره المرفقه  يعني بالله عليكم  وشلون هالعمال يصفون هالقطع قدام  بعض ؟

طيب ليش ما يبعدونهن عن بعض ؟  المفروض يغطونهن ؟ <== يغطونهن في شاهي

 مهيب زينه  انهن يتعذبن  بالشكل هذا :(

<== تراه يحسبهن حيات <== حيات والا عقارب

والخافي   اعظم  تراهن يمر بهن السير يم الفرن  يعني بيطلعن محمرات ومبهرات مالك الا انك  تجيب معك  مايونيز وخبز السلمان <== ياصلهم هالخبز في شقراء

وتسمي بالله  بس ابعد شوي عن المصنع عشان القطاوه ياخذن راحتهن

هذي القضيه ما عدت على خير  وهالوضع ما سكتن عليه عضوات حزب التشكن العالمي  ووروحن برقيات للعضوات الأنيقات المنتفات<== ممنوع دخول المغاتير  قصدي المريشات

وتم الاجتماع  وناقشن فيه الوضع المتازم وكان عنوان الاجتماع (( كيفية الانتقام الذاتي بدون دماء )  الرئيسه او البوسه  ارتجلت  قدام المكرفون <== حلوه ارتجلت الا ارتجججت  وقالت :

دجاجاتي وبقبقوقاتي الفاضلات  :

 لازم نرسم خطه عشان ننقذ اخواتنا المضطهدات في مصنع  الاسمنت <== حاطينه فيه  للتمويه

ونبي نداهم المصنع بكره تحت الاضواء الكاشفه

<== حشا بيفرقون بابين

عاد رسموا الخطه وضبطوها وكتبوا على احد اعلامهن :

( ما نبيش لا دماء ولا ريش )

 ) وطبعا كلكم  تعرفون الفلم اللي عن الدجاج  فلم كرتوني  حلو  قامت المشرفه وعرضته ووضحت  طريقة الانقاذ من براثن الانسان <=== وش رايكم ببراثن ؟

المهم  اظلمت الدنيا وراحن  هالدجاج الصقع يزحفن  اللي معها عود خلال والا معها كيسه فيها حبات شعير ومعها نباطه  واللي  حاطه روج على منقارها <== حشا رايحه لعرس

واللي جايه لا بسه روب فوشي 

واللي سافعه عرفها على ورى وحاطه عليه كاب

واللي صابغة منقارها بملاطيخ وراسمه عليه جمجمه 

وكانت المواجهه اللي ما حسبوا لها حساب 

بدال ما تكون المواجهه مع الانسان  صارت مع القطاوه اللي من رداة حظ خوياتنا الصقع ان المصنع كان  معطل يعني هالقطاوه جايعات مره ماذاقن شي 

وكانت المواجهه   

المشرفه  : بقوقوقب  قبقبقبقبقب <== صوت بلع الريق

تفرقعووووووا العطه يا بطه 

<== قال لك تموه على القطو عشان يلحق خويتها على انها بطه

في كل اتجاه هوشه ومطارد يسمعهم اللي في عطارد <== مقطعه السجع

شويه تسمع ميووووووووووووووووو

وشوي تسمع بقوق بقبقوقوقوق

شوي تسمعهن كلهن ميوووووققققيبقبق

 وانتهت المعركه الداميه :( بافتراس الكثير من الدجاج الصقع  والقهر ان واحد من القطاوه جايب معه بهارات مهران وماغير يرش ويفنك  يلعن ام الرواقه مع الحقران

المشرفه طبعا مابان الا سريويلها في اثم احد القطاوه وآخر شي

سمعو منها صرخه ( فرررري )  free يعني الحريه

وقليل منهن اللي قدر يعط ويطلق العنان للأصابع الست <== قايلها خراص لا تدققون

واللي يقطع القلب ان المشرفه كان شعارها بدون دماء وما درت ان سريوليها المزركششش كله قلوب حب حمر من الدم 

خاتمه :

 نتايج التحقيق :

لايوجد ريش ؟

القطاوه واحدن منهم ودوه الانعاش  يالله يرد النفس والسبب ام نباطه الله يجزى والديها بالخير فقعت عينه بحبة شعير <== مدورتن اكبر حبة شعير من زود الحقد

اختلط الدم بالروج  في احد الدجاج ومن قال لها تزين هي وخشتها  لا ومن زين الطبايع ضروسها طالعه <== ضروس دجاجه ؟ مشوا خشمه ومشوها له

  الخياس يعم المكان

وحده منهن مسويه روحها ميته بس انها  جتها حالة ولاده متعسره وباضت على يدالقطو  اللي جنبها وهو بدوره تفاهم معها في اقل من دقيقه

 النباطه ملقاة على الارض :( في منظر كئيب وشطرطوناتها متقطعه

وحده من الدجاج قامت تزحف وقعدت تجمع باقي الشعير <== العن ام الاخلاص

وانتهت المعركه التشكنيه في نهايه سيئه  وكان بودي تكون نهايه سعيده

يعني مثلا  تتزوج المشرفه على  ام روج  في حفل ختامي راقص  <== وجع وشلون تجي ؟

لكن ابو هآآآآآآآآرون عاوز  كذا  :)  يعني مغير المخرجين بس هم اللي يبون على كيفهم 

وهذي صوره لبعض الدجيجات اللي قدرن ينحاشن <== فقاش وشلون ينحاشن وهن معوقات 

حقوق الرقعة محفوظه لأبو هارون

الصفحة الرئيسية

 المعاشيش : جمع عشه والعشه هي كل ما يظف الشئ من طيور وسيارات  ونص مفردها عش والعش هو قطع عودان تكون فوق شجره او  على دريشة  مهجوره ما يفتحونها اهلها <=== لحوووول ليتك ما ترجمت المعاشيش